ནང་སེམས་ཀྱི་སྒྲིག་ལམ་གལ་ཆེ་བའི་ཁུངས།
སྒྲིག་ལམ་ཚུ་ལས་ ནང་སེམས་ཀྱི་སྒྱིག་ལམ་འདི་ག་ར་ལས་
གཙོ་ཆེཝ་ཅིག་ཨིན།
ü དཔེར་ན།
ཿ ཡོན་ཏན་ག་དེ་ཅིག་ ཤེས་རུང་ སེམས་ཀྱིས་ཐ་དམ་ཚིག་བསྐྱེད་དེ་འབད་མ་ཤེས་པ་ཅིན་
བཟོ་བའི་ལག་པ་ལུ་ལག་ཆ་ རྣམ་པ་སྣ་ཚོགས་ཡོད་རུང་ ལག་ཆ་དེ་གིས་ ལེགས་ཤོམ་གྱི་ལཱ་ལུ་
གཡོག་བཀོལ་ནི་ཨིན་ན ཟོགཔ་གི་ལཱ་ལུ་ གཡོག་བཀོལ་ནི་ཨིན་ན་ མ་ཤེསཔ་བཟུམ་ཨིན།
རྒྱལ་བ་གོངམ་ཚུ་གིས་ ༔ སེམས་ནི་ཀུན་ལ་དབང་བྱེད་རྒྱལ་པོ་འདྲ།།
ལུས་ནི་དགེ་སྡིག་ཀུན་གྱི་གཡོག་པོ་ཨིན།།
སེམས་འདི་དགེ་ན་ལུས་དང་ངག་ཀྱང་དགེ།།
སེམས་འདི་སྡིག་ན་ལུས་དང་ངག་ཀྱང་སྡིག།།
སངས་རྒྱས་ཀྱི་གསུང་ ཆོས་ཀྱི་ཚིགས་སུ་བཅད་པ་ལས་ཡང་ ༔ ཆོས་རྣམས་ཡིད་ཀྱི་རང་བཞིན་ཏེ།།
ཡིད་གི་གཙོ་ཞིང་སྔན་ལ་འགྲོ།།
གལ་ཏེ་ཡིད་ནི་རབ་དངས་པས།།
དེ་ལ་དེ་ཡི་བདེ་བ་ཐོབ།།
གྲིབ་མ་ཡོལ་བར་མི་འགྱུར་བཞིན།།
སྒྲིག་ལམ་རྣམ་གཞག་འདི་ལུ་ཡང་ ཕྱི་ལུས་ཀྱི་བྱ་བ་དང་ ངག་གི་བརྫོད་པ་ག་དེ་ཅིག་ སྒྲིག་ལམ་ཐོག་ལ་འབད་རུང་
ནང་གི་སེམས་ཀྱི་སྒྲིག་ལམ་ མ་ཚུད་པའི་ཀུན་སློང་སྐྱོན་ཡོད་པ་ཅིན་
ཉེན་ཁ་ཡོདཔ་ཨིན་པས།
སེངྒེ་ལས་ཀྱི་འབུ་མན་པ།
སྲོག་ཆགས་གཞན་གྱིས་ན་ལ་ཟ།
སེམས་ཀྱི་སྒྲིག་ལམ་འདི་ཡོད་པ་ཅིནཿ
ü རྒྱལ་ཁབ་ནང་མི་དམང་གི་ མཐུན་ལམ་དམ་ཚིག་གཅིག་སྒྲིལ།
ü གོང་མ་ལུ་གོང་མར་ བརྩི་ཤེས་པའི་ཐ་དམ་ཚིག།
ü བཟང་ངན་ལས་ཀྱི་རྣམ་སྨིན་ལུ་ ཡིད་ཆེས་བའི་ ལས་རྒྱུ་འབྲས་བརྩི།
ü རྒྱལ་ཁབ་ཀྱི་ཞི་བདེ་དང་ རང་དབང་སྲུང་སྐྱོབ་མི་མང་བདེ་སྐྱྀད་གོང་འཕེལ།
རྩ་བ་གསུམ་ལུ་རྒྱལ་གཅེས་ཤ་ཞེན།
རྩ་བ་གསུམ་ལུ་རྒྱལ་གཅེས་ཤ་ཞེན་བསྐྱེད་དགོ་ དེ་ཡང་ཿ
༡༽ ང་བཅས་རའི་འབྲུག་རྒྱལ་ཁབ་འདི་
ང་བཅས་རའི་རྒྱལ་ཁབ་ཟེར་མི་འདི་ སེམས་ལས་ནམ་ཡང་ཡལ་ནི་མི་འོང་
༢༽ རང་གི་གོང་མ་འདི་
རང་གི་སྐྱིད་སྡུག་ཕམ་བཟུམ་ཅིག་ མནོ་བསམ་གཏང་སྟེ་ཅི་གསུང་བཀའ་སྒྲུབ་ཆ་ཞུ་དགོ།
༣༽ གཞུང་གི་ཁྲིམས་དང་བཀའ་རྒྱ་ཚུ་ རང་གི་རྒྱལ་ཁབ་ཀྱི་འཕྲལ་ཕུགས་གཉིས་ཀྱི་
མཐའ་དོན་གལ་ཆེཝ་ཨིནམ་ཤེསཝ་ལས་ སྲིད་བྱུས་ག་བཟུམ་ཙམ་རུང་ རྒྱབ་སྐྱོར་ཕུལ་དགོཔ་ཁག་ཆེ།
༤༽ ང་བཅས་རའི་ རྒྱལ་ཁབ་རང་བ་སྲུང་སྐྱོབ་ཀྱི་དོན་ལུ་
སྲོག་བློས་བཏང་ཚུགས་པའི་སློ་སྤོབས་དགོ།
༥༽ ང་བཅས་རའི་ ལམ་ལུགས་སྲོལ་མར་ཉམས་མ་བཅུག་པ་བཞག་ནི་དོན་ལུ་ འདི་ལུ་ཡིན་ཆས་དང་ངལ་རངས་ཀྱི་
ཐོག་ལས་ཉམས་སུ་ལེན་ནི་གལ་ཆེ།
༦༽ ང་བཅས་རའི་རྒྱལ་ཁབ་ཀྱི་ ངོ་རྟགས་དང་ ཁྱད་ཆོས་ཚུ་བརྩི་མཐོང་བསྐྱེད་དེ་
རང་གི་ལག་ལེན་འཐབ་སྟེ་ གཞན་གྱི་ལུ་ཡང་
བསྐུལ་མ་འབད་ཚུགསཔ་འབད་དགོ།
ཐ་དམ་ཚིག།
ཐ་དམ་ཚིག་ཟེར་མི་འདི་ རང་གིས་ཁས་བླངས་པའི་མ་ཚིག་ལུ་
འགྱུར་བ་མེད་པར་ གནས་ཏེ་འབད་མི་འདི་ལུ་སླབ་ཨིན།
གོང་མ་ལུ་གོང་མ་གི་ ཕམ་ལུ་ཕ་མར་ཤེས་
སློབ་དཔོན་ལུ་སློབ་དཔོན་དུ་ཤེས་ཀྱི་ བསམ་སྤྱོད་དགོཔ་ཨིན།
ལས་རྒྱུ་འབྲས།
རྒྱུ་སྡིག་པ་ལས་བརྟེན་ འདིའི་ལས་ངན་པ་བསགས་ཏེ་
འབྲས་བུ་སྡུག་བསྔལ་མྱོང་ནི། རྒྱུ་དགེ་བ་ལས་བརྟེན་ འདིའི་ལས་བཟང་པོ་བསགས་
ཏེ་ འབྲས་བུ་བདེ་བ་མྱོང་མི།
ལས་རྒྱུ་འབྲས་དེ་ལུ་ བསླུ་བ་མེདཔ་ཨིན་ དེ་ཡང་རང་གིས་བསགས་པའི་ལས་ཀྱི་འབྲས་བུ་དེ་ རང་གིས་རང་མྱོང་དགོཔ་ཨིན།
མགོན་པོ་ཀླུ་སྒྲུབ་ཀྱིས།
ཁྱོད་ཀྱི་བྲམ་ཟེ་དགེ་སློང་ལྷ་དང་ནི། །
མགྲོན་དང་ཡབ་ཡུམ་དག་དང་བཙུན་མོ་དང་། །
འཁོར་གྱི་སླད་དུ་སྡིག་པ་མི་བགྱི་སྟེ། །
དམྱལ་བའི་རྣམ་སྨིན་སྐལ་ནོད་འགའ་མ་མཆིས། །
སྤྱི་སེམས་གཞན་ཕན་གྱི་བསམ་བཟང་།
བསམ་པ་བཟང་ན་ས་དང་ལམ་ཡང་བཟང་། །
བསམ་པ་ངན་ན་ས་དང་ལམ་ཡང་ངན། །
བསམ་པ་སེམས་བསྐྱད་དེ་ ཐེག་ཆེན་ཆོས་ཀྱི་ནང་ལས་འབད་བ་ཅིན་
༡/ བདག་གཞན་མཉམ་པ།
༢/ བདག་གཞན་བརྗེ་བ།
༣/ བདག་ལས་གཞན་གཅེས་པར་འཛིན་པའི་བྱང་ཆུབ་ཀྱི་སེམས་གསུམ།
